独家丨《造星IV》Marf获Rock Sir鼓励参赛　幕后眼中10强大热

《全民造星IV》3号邱彦筒（Marf），以跳舞演绎《Pass that Dutch》成功获三盏红灯，击败「重读生」80号方方晋级60强，不但获评判和导师赞赏，亦得到大量网民支持赢得合理。Marf今次参赛全因Rock Sir（MIRROR排舞师）鼓励，而凭住跳唱实力，她亦成为《造星IV》幕后眼中的10强大热。撰文：杜杜、秦咏姿  摄影：叶君海、沈健程

19岁的Marf因喜欢小动物，毕业后去了当兽医护士，后来发觉最爱都是做表演，于是转为兼职护士，一边发展表演事业，当过模持儿及舞蹈员的她，刚有公司邀签约便遇到《造星IV》机会，加上有老师Rock Sir（MIRROR排舞师）鼓励参赛，「我中学时跟过RockSir学舞，有次拍嘢见到佢，佢叫我不如去试吓《造星IV》，平时佢好少咁认真讲嘢，本来我谂住入娱乐圈有啲恐怖，唔好搞啦！做舞蹈员都几好，冇咁大压力，但自己仲未二字头，就试埋今次，睇吓自己有几多斤两，朋友同屋企都好支持，Rock Sir之后都有同我打气。」


因病一度失自信

Marf承认这次比赛压力不少，令她一度失去信心，「会好有无力感，因为唔会有时间畀你去准备，自己唔系天生表演者，咁少时间做咁多嘢好大压力，成日觉得好多嘢未准备好。」本身对跳舞较唱歌有信心的她，早前一度气管炎加感冒，令她信心全失，「最挫败系之前唔舒服，飊唔到某啲音，唱歌好唔好听系见仁见智，但嗰个音要上得舒服，想练歌都练唔到，又好担心，因为时间好紧迫，好无奈同好大无力感。」

据知Marf参赛期间因唱跳同样出色，在《造星IV》幕后眼中的10强，她得知后未有加强信心，「希望系，我有信心可以做好表演，但系有冇信心去到最尾就有所保留，始终能力同大众想要嘅嘢唔一样，归根究底睇大家口味。」不过她已决心入行，就算未能加入女团也会继续演艺事业，「比赛后我更加清楚自己锺意表演同埋创作，好想出自己创作嘅歌，可以一手包辧，至于戏剧、综艺都想试，特别想拍灵异节目，虽然自己好惊，但又好想试，仲有好锺意拍摄同动物有关嘅嘢。」