吴若希做Working Mum学会取舍 愿牺牲工作陪子女成长

吴若希（Jinny）日前作客TVB娱乐新闻台节目《StarTalk》，接受主播许文轩（Edmond）专访，谈到要兼顾家庭和事业，Jinny觉得做Working Mum是一件好叻的事：「好彩屋企都有好好嘅帮手，都想投放多啲时间畀屋企同小朋友，负荷太重我真系做唔到，而家我做嘅嘢会影响到另外一个人嘅未来，系好严重，所以要取舍，可能会牺牲自己嘅时间同工作，总之我希望做嘅嘢，可以令到另一半同小朋友开心啲。」

最近推出的新歌《火和火柴》的Jinny，自言满足感好大：「今次参与到好高，由搵Eric Kwok写歌做监制，到歌曲概念同MV都放咗好多心机，由头到尾都系自己嘅心血，所以满足感好大，好珍惜呢首歌。」她指以前甚少参与创作歌曲或畀意见，但现在心态已改变，唱歌不再为点击率，亦不是争取成绩，因此多了自己的想法，希望获得口碑多过成绩。

首次参与歌曲和音，Jinny坦言感到紧张：「我本身唔识唱和音，当时仲开紧剧，完全冇时间练习，Eric叫我放心，佢话冇问题，一定录到，佢仲话佢冇录过一个人唔识唱和音。当我听到佢咁讲，哗！寸到咁！我锺意，结果我真系录到，好有成功感！」