头条戏场丨《苏豪的最后一夜》一套香艳的惊栗片

睇预告好五光十色，两位女角Anya Taylor-Joy及Thomasin McKenzie又靓又有气质，以为玩穿越回到自己的过去?拍嗰个系《宝贝神车手》嘅Edgar Wright，咁易畀你估到咩 。故事讲述一个对于服装设计充满热情的乡下妹 Eloise(Thomasin McKenzie饰)，去到伦敦读书后每晚瞓着都会返到去60年代嘅伦敦苏豪，然后遇到好想成名的歌女Sandie（Anya Taylor-Joy饰），乡下妹入晒迷，幻想自己就系Sandie。(上映中)撰文:廖思慧

导演Edgar十几年前就有拍摄《苏豪的最后一夜》的想法，他说：「电影系我喺伦敦深夜中散步谂出嚟嘅故事，我一直对所居住的城市及60年代嘅伦敦好著迷，无论系音乐、时尚，当然仲有电影。呢个故事会激发观众对嗰个时期嘅剧情片和惊栗片，还有心理恐怖片类型的热爱，并引领观众踏上一段独特嘅旅程。」

好恐怖的时空穿梭
故事的确好独特，唔睇到尾都唔知发生咩事。Eloise以为返到60年代系发梦，但有一日见到Sandie同经理人Jack(Matt Smith饰)亲热后自己条颈都有「咖喱鸡」，乡下妹觉得好新奇，好快就视Sandie为偶像，学佢染发，连著衫都跟足，之后亲眼见到Sandie遇到麻烦，Eloise都被感染，春梦变恶梦，仲慢慢发现Sandie同一单凶杀案有关。

导演玩镜像玩到出神入化，Thomasin McKenzie同60年代嘅Anya靓到难以形容，全片疑幻疑真，结局好迷离境界。