独家丨刘威煌搵MIRROR拍广告增成本唔化算 首为休闲服品牌做推广
2021-10-30 03:00 
42岁刘威煌同许廷铿都系「巨星帮」出身，7年前离开TVB后转型生意人经营珍珠奶茶，最近他处男为一个美国休闲服装品牌做推广策划。原来最初服装品牌老板找他做代言人，但威煌笑言由他代言会拉低件事，反而想试做幕后。他又指品牌selling point似佢，唔强求有几红，但求随心出发。采访：方骞平 摄影：沈健程 场地：美臻集团 服装：J.Peterman
刘威煌做咗多年歌手，对服装品味都有信心，甚至试过有观众私讯他，追问件衫喺边度买？但孭上重担做埋宣传推广系第一次。
多谢畀机会
品牌老板搵威煌全因睇中他好随心，跟品牌无拘无束的意念相近。威煌大笑说：「多谢老板畀学习机会我，学多样嘢会开心啲，虽然我唔计较钱，但我唔会做义工，一定要收钱。」问到会否做埋骚肌男model？他笑说：「有得谂，但等我操返啲线条先。」𠵱家威煌嘅珍珠奶茶店扩充到第4间，叫做搵到啖饭食，但强调唔系每样生意都有钱赚：「7年前开办音乐中心因为收生不足咪执咗罗，哈！做音乐嘢反而蚀钱。今次我哋会用一分钱一分货宗旨，想薄利多销同消费者双赢。其实搵MIRROR广告收效好大，不过受budget限制，羊毛只会出在羊身上，咁做唔多化算。」
關鍵字
最新回应