莫可欣否认用BB箍实方中信：我唔系有机心嘅人

2021-10-30 06:00

莫可欣与方中信在2008年结婚，当年有传莫可欣怀孕3个月后才通知方中信，希望用BB箍住对方，日前莫可欣接受网台《港乜姐讲乜嘢》访问，她开腔否认此事并说：「其实完全冇呢件事，乜呢啲嘢有得『局』咩？我都唔系咁嘅人啦，唔系有机心嘅人，系个天要赐个咁好嘅女畀我哋，有咗迦晴后，佢令我学咗好多嘢，多咗耐心，由唔锺意小朋友到识得欣赏小朋友嘅童真。」

迦晴今年已13岁，莫可欣从小教她做人要谦虚、有礼貌，所以迦晴拥有一班很要好的朋友：「教练、老师、家长都同我讲，迦晴系佢哋见过最有礼貌同容易相处嘅小朋友，我真系老怀安慰。不过始终佢都已经13岁，开始有佢自己嘅谂法，唔会再跟我出街，但系将来佢做咩、读咩书，我都会支持，唯一唔支持就系入娱乐圈，选美都唔好喇，因为佢唔系普通小朋友，佢爸爸妈妈系有知名度，佢会有压力。」