独家丨向海岚叹投资比幕前有保障 6位数搞保健食品生意

向海岚（Anne）继年前跟友人开设珠宝首饰店后，早前再投资6位数搞保健食品生意，47岁的她本身是该品牌代言人，试用过后状态有改善，加上疫情下更体会到幕前演出冇保障，投资可长远发展。而Anne早前以师姐身份拍港姐真人骚，令她感触良多，坦承港姐身份确实有无形压力，令她未能走出框框，期待演另类角色，改变观众对她睇法。撰文：杜淑霞 摄影：沈健程 发型：Matt Chiu@Xenter 服饰：Club Monaco、Legacy Lab 场地：THE WAVE

Anne拣保健食品投资，源于该产品邀请她做代言人，她开始试食，「代言前都会试咗先，试咗觉得好，最大效果系瞓得好咗，个人精神咗，同埋甩少咗头发，发型师都觉得我把头发大束咗，开始介绍畀身边朋友，介绍得多就觉得系咪应该投资，疫情下大家愈嚟愈注重健康，想早啲预防，因为健康系长远，于是由代言变投资埋落去，唔系投资好多，六位数，基本上将我代言嗰份摆番落去，因为自己对呢样嘢有信心。」



港姐无形压力

今次生意Anne主力做宣传推广工作，所花时间不算太多，她投资多多承认跟幕前工作不稳定有关，「做艺人有个知名度，对做生意有少少帮助，人哋会信任我哋多啲，当然前题品质要好，之前珠宝到而家保健食品，觉得OK先至介绍畀人，始终做生意系比较长远啲，做艺人演艺工作真系几被动，唔系话你有个planning就做到，要好多方面配合，但生意你肯勤力、肯付出，系会见到个成果，自己控制到。」

Anne早前拍港姐真人骚，令她回忆很多当年片段，但亦觉得这个身份有一定压力，「系一个无形压力，令到自己返到香港，即刻上番身咁。」正因这个身份，亦令她演出角色难有突破，「相信好多搵我拍戏嘅人，都定形咗我以前个框框，搵我演大家闺秀、娘娘、斯文嗰啲，但我好想做啲好另类嘢，好唔系自己，而家我系可以豁出去。」她强调不介意扮丑、素颜、增肥减磅、甚至做人阿妈都冇问题，「真系再拍要睇吓角色有冇发挥，唔系要好感，但起码人哋会记得，唔想拍完系无声无色，最想去挑战精神分裂角色。」