港姐2021丨冠军宋宛颖出身选美世家 婆婆爆Sabina妈咪幕后功臣

《2021香港小姐竞选决赛》于昨晚（12日）完满结束，8号宋宛颖(Sabina)当选成为今年港姐冠军，15号梁凯晴及14号邵初则分别夺得亚军及季军。冠军Sabina完成访问后，约凌晨1时乘坐大会七人车离开，返回火炭寓所。 家人和一位可爱的小妹妹在门外迎接出炉港姐冠军回家。问到Sabina会怎样庆祝？经过3个月努力Keep fit 的Sabina表示：「想食嘢先，依家最想食系炒饭，不过听日要做嘢，所以只可以食少少，迟啲希望约埋一班佳丽一齐去打边炉。」问到会否另外再约几位好姊妹庆祝，Sabina都相当识做，表示其实12位佳丽感情都非常要好。

Sabina的亲朋戚友亦在家中坐定定迎接Sabina 凯旋归来，而TVB亦派出摄制队与Sabina做家访，Sabina的婆婆亲手为孙女整蛋糕，同时亦预备了鸡翼、咖哩角等各式小食，看见家人细心的安排，Sabina笑说：「好感动呀，真系好耐冇食，我过我都唔敢食太多！」昨晚有到现场为孙女打气的Sabina婆婆笑言睇到眼湿湿：「我哋全家都好开心，佢妈咪喺澳门仲紧张，约咗几十人一齐睇同庆祝，个个都嗌到不得了，Sabina嘅表现几好呀，叫做过骨喇！」Sabina反而觉得上次准决赛的表现比今次还要好：「我会畀90分自己，有10分系进步空间。」

Sabina的婆婆大数家族威水史，表示Sabina妈咪、堂家姐与堂妹也是澳门小姐出身，而婆婆一辈亦有人赢过加拿大小姐及三藩市小姐，婆婆大爆 Sabina妈咪是今次夺冠的幕后功臣， Sabina 坦言： 「妈咪真系军师，每一餐都要佢批准，要影相畀佢睇，要佢通过先可以食。我自己比较喜欢喺镜头前演出，希望经过今次之后，有机会喺呢个圈发展。」Sabina多谢妈咪在比赛期间经常会给她中肯的意见，对于孙女Sabina 的表现，婆婆就觉得问题环节争少少，有待进步。