独家丨石山街恨颁奖礼集邮兼表演写《石山派》望能只成一派

2021-10-10 22:30

由谢旻良（Marstn）及杨彤组成的组合石山街，继《暗恋家》和《幻象》后，今年推出第3首单曲《石山派》，他们希望每个人都可行自己的路，自成一派，也希望他们的音乐可以做到「石山派」。临近年尾，将会首度参与乐坛颁奖礼，他们坦言对奖项没大期望，杨彤只想趁机跟前辈集邮，Marstn就盼上台表演。撰文：杜淑霞摄影：沈健程

Marstn和杨彤都承认制作《石山派》，确实希望音乐能自成一派，杨彤说：「有时我哋整完都会觉得好好听，一定可以上榜，但畀监制或者行里面大佬听完，佢哋只会话几得意，几有你哋特色，但未必上榜。」Marstn补充：「呢啲comment成日出现，咁不如索性将我哋呢个想法，攞去做首歌嘅标题，石山派，自己一派。」

变花痴狂赞填词人

提到今次首度跟填词人郑敏合作，杨彤竟然变花痴狂赞对方，「我本身都唔系好识郑敏，系监制讲完之后，每次见到都哗！咁样㗎！郑敏系白雪雪带眼镜嗰啲，好高，啲皮肤超好，好似一个古装剧入面嗰啲美男子。（Marstn：下次你拍MV佢做主角？）你唔使喺入面。（记：有冇问郑敏意愿先？）喺呢度问，好唔好郑敏？」当然郑敏除了靓仔，填词亦有一手，Marstn说：「我记得第一次睇份词，已经fit到成个氛围，有个气场喺度，唔使听音乐都觉得好型，加埋音乐觉得成件事好夹。」

讲年底各大颁奖礼，石山街在3首作品较睇好《石山派》成绩，不过对于有否机会上颁奖台，杨彤坦白话：「我都唔知点计！我谂住好靓姿态出现，谂吓着咩衫化咩妆，谂吓同边个friend一齐坐，谂定后台同咩人打咭，噚日啱啱个骚见到周国贤，但大家忙紧做准备出场，错过咗打咭影相机会。」Marstn想集邮外，仲另有目标，「个个前辈都想见，但而家感觉好奇怪，以前冇谂过会咁见到，要喺报纸或者电视先至见到，而家好神奇喺后台就见到。我最想有得去玩，有得上台表演。」