【独家】由独立音乐人到签公司 石山街望更多人欣赏电子音乐

组合石山街由成员谢旻良（Marstn）及杨彤（Yeung Tung）组成，两人本是独立音乐人，不时在网上发表自家创作，几年前于网上认识，继而一同出骚及合作写歌，最后被环球唱片发掘正式出道。早前石山街先后推出新歌《暗恋家》和《幻象》，两人希望透过作品，令更多认识他们欣赏的电子音乐。撰文：杜淑霞 摄影：谭壹致

杨彤解释组合以「石山街」命名，源于他们音乐的起点，「最初我喺网上面见到有个人成日like我啲嘢，㩒入去睇佢唱歌啲片超好听，只系声差啲，应该系用电话录嘅，我就同佢讲可以借支录音咪畀佢，嗰时我住坚尼地城，就约咗喺石山街交收，签咗公司后要有个名，就谂起我哋第一次见面地方，标志咗我哋音乐嘅开始。」

成员都是Slasher


两人认识后开始一同出骚，最初主要唱cover歌，Marstn说：「出咗几次骚，觉得既然我哋系音乐人，不如试吓一齐写，做啲原创音乐出嚟，第一首写就系《幻象》，系我哋一齐出嚟写，但发觉进度好慢，好似大家都影响到大家，同埋写歌系好私人，一齐出嚟写好嘥时间，所以决定以后啲歌各自屋企写。（杨：自己满意跟住就交换再写）。」



年前石山街被唱片公司发掘，虽然在疫情下当新人，但两位成员仍捱得住，因本身都是Slasher，除了创作音乐，杨彤是补习及钢琴老师，Marstn则营运文具精品网店，所以更加可以专注创作喜欢的电子音乐。对于组合的未来，Marstn就想成功在乐坛占一席位，「我哋一齐做音乐，想将呢种自己本身好欣赏嘅音乐，喺乐坛有一个存在，好难得自己有想法，有能力去做编曲，跟住公司有咁大自由度畀我哋去做主导去写自己作品，我觉得成件事系好罕有。」杨彤亦好认同，「我嘅音乐底同佢把声或者音乐底系超级夹，我想我哋嘅作品可以将唔听呢类音乐嘅人，都觉得OK，可以去听，希望愈嚟愈多人听。」讲到目标，Marstn说：「最想出到EP，然后出埋Album。（杨：出到愈多歌愈好啦！）」