周国贤与年青单位合作擦新火花：好似海绵吸咗好多新灵感

周国贤（Endy）日前接受TVB娱乐新闻台节目《StarTalk》主播许文轩（Edmond）专访，访问上谈到相隔近三年再推出个人新歌《尘世美》，Endy说：「2020年停工，主要系因为之前做咗好多嘢，包括出碟、做骚同拍戏，一路都冇休息，再拍摄完《一秒拳王》都唔知自己伤得咁严重，伤及筋骨，原来身体同情绪系要还，咁不如去个灵修之旅包括京都同清迈，本身谂住去一阵，点知喺泰国嘅时候，遇上疫症最严重，初初头一两个月有Keep住搵机票返香港，但真系完全冇机位，既然个天要你留喺度，咁就不如好好学习同自己独处，而《尘世美》呢首歌，就系喺泰国瞓喺张床嗰度，见到填词人小克一个徵求旋律嘅Post，咁就啱啦！当时我好得闲，大概一个礼拜就完成到首歌。」

Endy还说去年休息期间，本应有机会首次开红馆演唱会：「上年4月俾咗个期我，咁啱又脚伤，再加上疫情严重，真系唔敢搏，唯有取消。就好似个天要话畀你知，不如你都系再修练下先，可能你真系未Ready！而家我睇通咗好多！」最近他先后与不同年青单位如Zpecial、Regen、JW王灏儿、ToNick、AGA、Serrini、per se等合作，Endy说：「早两三年前，我都仲攞咗个姿态觉得自己系前辈，当自己觉得自己系前辈嘅时候，系完全郁唔到，你永远就卡住咗喺以前，依家放下少少姿态，成个人都轻咗，就好似旧海绵吸咗好多新嘅灵感，攞到新嘅嘢。」