鲁庭晖私讯赞姜涛唱《前传》Handle得好　曾下令唔准再惊肥Skip晒啲嘢

姜涛日前与Jer（柳应廷）、林家谦及Tyson Yoshi合作为商台演出《拉阔音乐会2021 - 风火雷电》，当晚ViuTV的总经理鲁庭晖亦有到场睇骚，在开骚前夕，姜涛出席活动曾经晕倒，而Jer更在开骚前一晚，气管突然出现敏感，幸好最后有惊险，顺利完成！

今日鲁晖在IG撰写长文，原来他一直担心两人的状态：「首先一个就开show之前唔舒服，一个就早排唔舒服。早排唔舒服嗰个，我叫咗佢去食多啲嘢，唔准再惊肥skip晒啲嘢，叫佢唞多两日，唔俾佢咁快开工，佢就打嚟唔俾我唔俾佢开工。所以嗰晚live，佢哋每唱一粒音，每跳一个Step，我嘅情绪都系好似一个考紧车牌嘅人，俾个考官啤住嗰个感觉咁上下。」

近年ViuTV除了有自家剧集外，亦不时推出自家原创歌曲，本来在五周年的时候，曾经提议过将这5年推出过的歌，收录成为一张专辑，但最后得不到同事们的支持而冇下文，鲁晖表示除了私心最锺意《尽力呼吸》外，另一首就是《前传》，当晚听到姜涛唱这首歌，别有一番感受：「我好少完show之后send message同番佢哋讲个show有乜嘢好，send亲都系唔好嘅comment (喂，系咁㗎啦），嗰晚我send咗俾嗰位歌手：编得好，你亦handle得好。」