独家丨蔚雨芯恨请姜涛做品牌代言人 有感情洁癖唔容易拍拖

28岁蔚雨芯(Rainky)两年前创办美容品牌生意做埋生招牌，生意蒸蒸日上，身家狂升。Rainky赞自己好有生意头脑：「我好有生意眼光㗎，去年公司嘅Anniversary dinner已经搵咗姜涛做嘉宾，𠵱家真系请佢唔起！」采访：方骞平 摄影：谭壹致

Rainky最近喺TVB《开心大综艺之暑假玩到尽》大晒水著look，相当抢fo，不过，却勾起多年前嘅一段不快回忆：「因为我傻更更，监制好想我玩game show，但同队嘅队长就系咁揿住我，唔想派我去，好彩个前辈司仪好好(指阿Bob)出手帮我。其实我唔明个女仔用意，可能觉得我有杀伤力啩，除非踩到上心口，我都会退后一步，所以唔会爆系边个女艺人！」

曾赞助姜涛用减肥产品
入行8年，Rainky近年进军商界做女强人，美容生意愈做愈好：「只可惜今年受疫情影响搞唔到周年晚宴。哈！好回味去年请姜涛表演，但佢愈嚟愈红，收天价酬劳我都请佢唔起啦，不过我都乐于赞助减肥产品畀佢，佢喺台湾拍剧期间都有问我点食，不过，佢𠵱家都唔系肥仔。」她强调会努力赚钱，希望有朝一日够钱请到姜涛做代言人：「𠵱家惟有自己做先。」另问到感情状况，她坦言多追求者：「仲系单身，我有感情洁癖，唔易同人拍拖。」