莫文蔚贴老公甜蜜合照 庆祝结婚十周年表白爱意

51岁嘅莫文蔚（Karen）昨日同初恋老公Johannes结婚十周年，为咗庆祝呢个咁特别嘅纪念日，Karen特地喺个人社交网站晒九宫格甜蜜照片，仲冧爆向老公示爱写道：「不管何时何地，宝贝我爱着你#结婚十年#初恋#恋一世的爱」。相中记录两人走遍过嘅足迹，两公婆唔止手拖手，Karen不时依偎老公，两人头贴头sweet爆，网民都纷纷留言送上祝福。

Karen于17岁在外国读书期间，与老公Johannes认识，并成为彼此的初恋，但当时只相恋一年就分手，相隔16年后再续前缘，并于2011年结婚，转眼间今年已结婚十年。

今年6月莫文蔚为《绝色》巡演尾站演出，佢表明系人生最后一次大型实体个唱，Karen接受本报访问时表示：「老公Johannes听到我呢个决定都话好！因为佢最享受二人世界。但每次我走tour时，我哋要摄时间搵机会见面，始终结咗婚，唔可以成日将工作排喺第一位，咁样对佢唔公平，喺时间要调整一吓两公婆嘅节奏。」睇嚟呢个决定，令两公婆关系更加和谐。