糖妹百变造型展现自信　叶佩雯动用私伙做幕后军师

糖妹最近忙到爆，除《劲歌金曲》主持之外，正拍摄电视剧《四十二章经》和《童时爱上你》，加上获得杰出艺人奖，糖妹亦吸引多个广告商垂青，其中医美中心代言的造型照，更令大家眼前一亮。其清新轻熟女斯文靓女形象，在拍摄期间，大家都觉得糖妹有点像全智贤。有机会做免费Facial，她自言好开心：「凌晨接外景，冇乜瞓觉，仲要晒太阳，皮肤好容易变乾，有得急救做Facial就可以靓返晒，人都自信啲。」

糖妹主持《劲歌》的形象愈来愈有型，原来全靠拍档Eric Kwok的太太叶佩雯（Grace）亲自操刀。糖妹很感激Grace仗义帮忙：「今年认识Eric两公婆系缘份，Grace系一位好好嘅姐姐，佢知道我适合着咩衫，畀咩我着令我靓啲，更帮我认清自己嘅优点同缺点，令我『叮』一声，发现自己喺造型上原来仲有咁多可能性。」

Grace则说：「造型上帮佢边试边玩，冇乜压力。我哋系朋友，沟通上易好多。都几得意嘅，我会攞我啲私伙首饰出嚟畀佢衬吓，我真系有好多『猪耳绳』，所以唔使吓吓买，攞我嗰啲畀佢拼搭吓啲衫，几好玩。」