頭條獨家丨岑寧兒享受留港厭做「空中飛人」　朋友紛移民要見就要環遊世界

岑寧兒（Yoyo）即將推出首張廣東專輯，當中4首歌曲以「家」為主題，率先派台的新歌《風的形狀》大談「離家」，切合近年的移民潮。曾留學多倫多、旅居北京及台北的Yoyo稱，去到外地要適應文化差異，但深信經歷會豐富人生，「未知係恐怖嘅，要有信心自己搞得掂，回頭睇嘅時候覺得都唔係咁難啫。」而「回流」香港的Yoyo更珍惜與親友相聚的時光。撰文：黎寶倫　攝影：譚壹致　髮型：Sam Lo @Orient 4化妝：On Ki Lau

去年全球爆發疫情，長年周圍飛的岑寧兒年底完成唱片製作後，因想念家人和朋友便從台灣飛回港，暫別「空中飛人」的生活，「飛少啲真係舒服好多，以前係攰到唔覺攰，而家少咗啲壓力，享受同家人朋友一齊嘅時間。」想必媽咪劉天蘭特別開心？她笑道：「唔知喎，反而喺台灣打多啲Facetime，返到嚟見少咗。」面對朋友紛紛移民，Yoyo坦言更珍惜隨時約到的日子，「我諗第時見朋友要環遊世界，所以呢個時候都想喺香港多啲。」

唔想再四圍走
下首派台歌談及「思鄉」，對於Yoyo而言，「鄉」可以是一個回憶、事物、地方或人，「例如上一輩人好掛住已經冇咗嘅時代，嗰個先係佢哋長大嘅地方，同一個地方係會隨時代流動改變。」她自言每逢過節倍思鄉，尤其中秋望住個月亮，特別想念一家人在加拿大食舊式月餅的時光，問其「家」在哪裏？Yoyo笑道：「喺我個人度，而家喺邊度就將邊度變成我嘅家，唔同時候有唔同感受，我做和音係咁唱人哋嘅歌，當唱自己嘅歌時，我都覺得自己返咗屋企，好慶幸自己有啲歌，咁就Feel at home。」她直言不想再四處漂泊，至於將來長Stay在哪個家？Yoyo說：「我真係冇諗，出年去邊都未諗。」