陈展鹏赞女儿模仿力高小猪比学爸爸做掌上压露底劲可爱

2021-09-26 22:30

陈展鹏与老婆单文柔育有萌女陈诺瑶（小猪比），升读幼儿预备班（N班）嘅小猪比已经2岁，接触事物愈多愈爱模仿。陈展鹏昨晚（25日）社交平台放咗一条短片，拍小猪比学爸爸喺屋企做掌上压运动。他留言：「模仿力唔错，但仍有进步空间，加油！」片中见束住孖辫仔嘅小猪比模仿得相当认真，全身出力做咗几下，仲扭动埋个PatPat，连条尿片仔都曝埋光，小猪比完成动作后开心到不得了，相当可爱，陈展鹏则在镜头后和囡囡互动。

呢条短片上载未够一日经已吸纳到有7.7万人观看，可见小猪比吸引力唔逊于展鹏，唔少粉丝留言赞小猪比叻女，网民留言说：「劲喎！」、「papa咁有运动细胞，囡囡必定有返咁上下既已经好叻女啦！」、「将来跟daddy一样，多才多艺。」、「真可爱Good job, sweetie。」最搞笑有网民竟然提议陈展鹏：「咁你示范一次来看看！」