面圆圆被指孕味浓　单文柔嬲猪：会好努力控制水肿

单文柔（Phoebe）与陈展鹏育有爱女陈诺瑶（小猪比），转眼间小猪比已经两岁大。单文柔日前在IG的限时动态上载短片，自爆被人质疑是否有喜，令她不知好嬲还是好笑，她写着：「我会好努力控制我水肿问题，好多人见到我出咗Post后都话我肥咗，问我系咪有咗？（3个喊样emoji）我冇用effect，通常夜晚就会冇晒水肿问题，我下次留番夜晚先拍片。」其实近年不少艺人都三年抱两，Phoebe跟展鹏又有打算追多个，未知是否真的有喜？

而Phoebe自从诞下小猪比后，亦减少幕前工作，只专心凑女照顾家庭，但仍会做KOL搵真银，兼分享凑小朋友的生活小趣事。日前她便在IG上载几张囡囡表情多多的得意相，红色衫仔衬一大顶士多啤梨帽子，一时扁嘴一时哈哈笑，十分可爱。Phoebe留言：「为咗你每日都要赶行程，碎片式生活更加碎，但一切都值得，希望可以陪伴你成长，我又可以争取时间做到自己嘢！」