Juicy叮｜在职妈迟到发难中秋要返工 上司安抚反被斥「点解要同你交代」

有网民抱怨，公司一名在职妈妈中秋节当日迟到反而在公司发难，上司好言相劝反而被斥「点解我要同你交代」。

有网民在「香港讨论区」发帖，任职公司都多在职妈妈，「不过有个女同事特别烦，成日觉得自己凑仔大晒，一定要就晒佢，成日一句有事就临时请半日假咁，之后就咩都理走人」有次只是小朋友去参加比赛，但女同事忘记提早请假，所以才临急请下午假，但当日本身下午有个客户会议。发文者说，上司比较和善又都是在职妈妈，所以平时都体谅这位女同事佢，不会拒批假。

发文者说，中秋节当日女同事迟到一小时，返到公司一言不发，板起脸，大家都不敢上前对话。上司见状于是上前关心她，问她当日为何迟大到，是否发生甚麽事。

岂料个女同事就开始发脾气，「话佢个仔今朝肚唔舒服，要带佢睇医生，又大闹公司好离谱，中秋节都要人返工，好无人性，一啲都唔体谅阿妈要凑仔。搞到佢无得喺屋企照顾个仔，仲要扑返嚟公司」

发文者说，上司应该都无想到对方发脾气，「佢就细细声同女同事讲下次可以私底下同佢讲声先，有事唔可以准时返，等大家都无咁担心。」但女同事听完之后更加恶，怒斥「点解我要同你交代？我又唔系唔返工，我都系迟咗少少姐，点解要同你讲声？」

发文者抱怨，「真系未见过啲人迟到都咁恶，你个仔肚唔舒服，咁你同大家讲声有事迟少少返大家都理解，但佢好似唔明呢个道理......」

网民纷纷认为女同事离谱，「呢啲咪叫得寸进尺 而家唔炒迟啲愈来愈恶」、「如果我系老细，会出封解雇信俾佢，等佢可以专心凑仔。上司咁好，已经好难得，好好彩，点解仲可以咁恶，要全世界围住会转，最憎呢种人」、「中秋节唔系红日，大把公司无假放，想放假就自己请 AL，都唔明发咩脾气」

不过也有人认为，「最惨系留言果啲人。一份工竟然紧要过屋企人。我相信楼主呢份工都唔系啲咩无敌package 啦，可以只系得基本嘢。咁我作为个正常人要搵返差唔多待遇有几难？咁系咪小朋友梗要过返工呀」


帖文转载自《点解迟到都可以咁恶？》