方力申Dry足4年自认眼角高 择偶条件：见完要挂住

现年41岁的方力申（小方）是圈中难得的「亿万笋盘」，年前被指以近五千万在元朗买入一间董事屋，加上珍藏了过百件合共数千万元的艺术品，7月更荣升做马主，身家丰厚！不过，小方的感情生活就似乎好dry，与邓丽欣分手后，虽然与不少女神何超莲、冯盈盈和陈滢等传过绯闻，但全部都是「冇米粥」。小方日前接受郑裕玲（Do姐）的电台节目访问，自认眼角高，已经4年没有拍拖。

小方说：「我4年冇拍过拖，连啲男仔朋友都唔信我，话你冇拍过拖，中间都有啲散拖啩，但我都冇喎。」Do姐指他眼角高，他直认不讳：「系嘅...第一，成日有人话女仔好主动会埋身，喺我身边从来都冇发生过，真系一个都冇。如果有呢，我话畀大家知，我定力好低㗎啫，但系冇。第二样嘢呢，如果我唔够锺意一个人时，又未必想同佢一齐，又唔想令到人哋唔开心，又唔想分手做衰人。」

Do姐表示这是一个恶性循环，小方认为世界上有好多男人和女人都跟自己一样，并自爆有玩交友APP，他说：「我发现都好多质素高。（嗰度识唔到咩？）识唔到呀，我都有去Like过人，但佢冇Like番我；有女仔Like我又冇Like番，比较难啲罗。」

小方亦有透露心中的择偶条件：「我见完会挂住佢，有咩锺意又想同佢一齐去食咁罗。」他指自己的私生活低调和被动：「我4年冇约过女仔出街食饭，我系想拍拖，但我豁唔到出去。我一定要结婚，因为人要有伴侣，一定要搵到个自己锺意嘅伴侣。」