独家丨游学修停工8个月谂过移民台湾　杨淇白只「疫」境谂计搵银

游学修（阿修）、白只和杨淇将于下周五（24日）起假香港演艺学院，为改编自Wasabi小说《甚么天长怎样地久》的舞台剧《久天长地》演出。去年政府收紧防疫措施，使不少舞台剧被迫煞停，阿修与杨淇收入大受影响，前者量地8个月靠向公司借粮度日，后者转行做保安赚钱赚经验，唯独白只继续有戏拍。正打算放弃一切移民之际，阿修凭舞台剧《陪著你走》角逐剧帝，从而打下强心针留港发展。撰文：黎宝伦　摄影：谭壹致　化妆︰Yvonne Yeung（游学修、白只）、Esther Kwan（杨淇）　发型︰Eas Fu@AdmiX Hair Styling（游学修、白只）、Green Cheung@AdmiX Hair Styling（杨淇）　服装︰iBLUES （杨淇）、Sulvam from SWANK (游学修)、Wood Place（白只）　造型：Bryan@theFlaming

在这部穿越剧《久天长地》中，游学修与白只扮演同一个角色「甘博年」，前者饰演前两世，后者是第三世。要观察对方如何揣摩角色，白只坦言难度好高，笑称「外形冇得演」，惟有穿同Style的戏服拉近差距，「系Size唔同啫，外表就……另一种，但我会去转韩国返嚟。（一个减肥一个增肥？）系罗，帮帮手，我减少少，你增肥少少。」惟阿修笑道：「唔使啦，剧本话我系Fit㗎！」杨淇称很欣赏两位对手，能跟他们合作如「成就解锁」，笑言单是围读已令她攰到「脑瘫痪」。

白只疫情期做宅男
提到早前被爆转职当大学保安，杨淇解释只是疫情冇工开，怕闷兼锺意观察才去体验吓，「而家仲有做兼职，我觉得系营养，返番去现实生活系休息。入行后收入都冇稳定过，反而疫情令我稳定咗，因肯做多啲嘢自然收入多啲。（要卸下艺人光环？）我纯粹锺意演戏，当你选择去做就听唔到闲言闲语，清楚自己想要咩就OK，嚟紧仲想学按摩、美容、树艺。」自认懒的白只未如对方积极装备自己，指Stay home期间「摊喺度做宅男」，笑问是否赚得多唔忧三餐？他澄清自己出名平，「虽然攞完奖升咗少少，但我都要谂后续，梗系用平嚟做招揽啦，唔通用Quality咩！」

阿修冇嘢捞要借粮
停工8个月的游学修日日打机又食到肥晒，甚至要问公司借粮，直至去年10月开设YouTube Channel「试当真」，收入比当演员好，「嗰时都两年冇拍戏，谂过移民台湾做YouTuber搏一铺，都有谂搞成咁系咪因为自己冇料到？最决定性系提名咗舞台剧最佳男主角，对我嚟讲系好大肯定，畀咗动力我，令我觉得自己仲有价值。啲人觉得我寸，其实系因为我觉得自己起点唔应该系咁，所以我开Channel去改变现状。（怀才不遇？）千祈唔好咁讲，我觉得怀才不遇嘅人好似有阵『宿』味，哈哈！」