【独家】靠写歌向心仪对象表白邓月平唔谂拍拖专心事业

2021-05-21 23:00

邓月平（Larine）沉寂近两年，早前宣布自组工作室并推出单曲《U》，她承认约满旧公司向外闯，只想有更大创作自由度，新歌也由她亲自填词。她又自爆歌曲是写给心仪对象的表白之曲，可惜跟对方现在分隔两地，事业心重的她暂时亦唔敢谂拍拖，专心发展好事业，不想辜负一班支持她的工作团队。撰文：杜淑霞摄影：谭壹致化妆：Andy Lee (@andy_makeup_) 服装：土生花(@soiltosoulhk) 场地：Soil to Soul

Larine跟前经理人公司完约后，决定自组工作室，但在疫情下向外闯，她坦承也觉得好担心，「我希望我嘅担心系值得，我喺呢5年搵到啱自己嘅团队，佢哋咁多人陪我去搏一铺，点解我唔试呢！？其实都系小本投资咗六位数，我记得杨天命师傅讲过『邓月平你要洗晒你啲钱，你先至会有钱返嚟』，疫情好多朋友都畀友情价我哋去完成呢件事，好多谢大家咁帮手。」

令Larine决意向外闯，最主要原来是希望有更多创作自由，「有时老板未必明白你，我唔想交行货，但佢会觉得唔使谂你有个固定形象，你今只系甜美风，以后10只歌都系走甜美风，我𠵱家想讲思念之曲，下一首可以讲好dark嘅嘢，呢个系自由嘅空间。」

爱创作的Larine，今次更为新歌《U》亲自填上国语词，更趁机向心仪对象示爱，「呢只歌系写畀我一个曾经好挂住嘅男仔，但佢𠵱家已经唔喺度，我就觉得呢只歌系一只纪念嘅歌嚟，佢唔系我男朋友，佢系我一个锺意嘅对象（知唔知你冧佢？）佢知，呢只歌系一个纪念，一个隐喻嘅表白。」她又解释对象并非香港人，现已离开香港，两人暂时好难发展，「始终我有嘅工作要继续，如果要我拣做嘢定拍拖，我会选择做嘢先，我如果一拍拖就会focus咗个男朋友，唔想辜负咗咁好嘅团队，后生唔搏几时搏呢！？人生有几多个10年！？我希望今个10年同下个10年会有唔同变化，一路做唔同嘅邓月平畀大家睇。」