【独家】一票难求跟「黄牛」对谈望感化 ToNick对演唱会嘉宾大卖关子
2021-06-24 22:00 
ToNick将于7月3及4日在九展举行一连两场《Here and Now演唱会2021》，他们选此主题是希望此时此地社会气氛下，同大家一齐撑落去。对于门票开卖即爆，他们感激乐迷支持，见到一票难求更决定跟「黄牛」在网上对谈，他们笑言望感化对方重回正路。讲到早前宣传片搵来ERROR成员阿Dee、游学修和林明祯等拍摄，他们大卖关子是否正是演唱会嘉宾阵容。撰文：杜淑霞 摄影：谭壹致 化妆：Kylah Chan 服装：@levis_hongkong
恒仔表示今次选择主题大家想了很久，最终决定用「Here and Now」，因这两年大家很多感受及情绪，「我哋讨论咗好耐，不如讲番𠵱家喺呢度，我哋应该点样行落去呢！？我哋点样互相扶持互相守望呢！？情愿喺呢个演唱会度带番一啲力量畀大家，所以就叫『Here and Now』。」
搵「度力」帮大家打气
对于演唱会门票开卖即爆，恒仔坦承有讨论过加场，但最终怕彩排不足放弃，「场地系得嗰几日，如果我哋加场排练时间就会少咗，我知道令到好多人失望，我哋自己都挣扎咗好耐，希望好似小龟咁讲，我哋呢两场尽力做好佢。」晨曦又解释同事发现「黄牛」，于是决定网上对谈，「点处理好？我咪同佢倾吓罗！（恒：理性讨论）系理性讨论，可能佢都有佢难处呢，但呢个行为真系对真心想入场乐迷唔公平。（系咪请佢睇？）佢个post都delete咗，可能佢反省紧，哈哈！（系咪继续用呢个方法感化「黄牛」？）呢个最好，呢个世界系需要爱，多啲沟通！」
演唱会宣传片搵来ERROR的阿Dee、游学修和林明祯等演出，ToNick再次感谢一班老友帮手，但大卖关子他们是否就是嘉宾，小龟说：「我想保留少少秘密，希望啲嘉宾出嚟嘅时候个energy大啲，希望大家系期待嘅！（恒：我爸爸妈妈会嚟！）当你知道边个嘉宾嚟系冇咁大感觉。」不过五子强调每晚都会有嘉宾现身。另外，他们趁演唱会其间推出两只碟，一只黑胶碟会以重新灌录旧歌为主；另一只新歌专辑会放在名叫「To Nick」的搪胶公仔的USB内，玩食字「度力」帮大家打打气。
最新回应