【独家】Part 2嘉宾有《声梦》亦有《造星》人 伍仲衡曾经写歌畀EO2硬撼F4
2021-09-15 00:38 
音乐人伍仲衡今年3月举行嘅《搞乜花臣音乐会》门票在24小时内售罄成为疫市奇葩，因而于下月16日至17日在九展Star Hall「添食」两场，现已变身中佬男子组合嘅EO2更为他合体演出，4人笑言唔理𠵱家大家眼中系咪只得MIRROR，唔知仲有冇人记得佢哋，但求自己Enjoy就够。采访：方骞平 摄影：沈健程 发型：Casei @ Beijing Hair Culture CWB(伍仲衡) 形象：BIRD TSE(伍仲衡)场地：圣芳济书院
人缘好好嘅音乐大师伍仲衡（Harry)有好多作品，音乐会就邀得泳儿、郑融、强尼、吴业坤、雷深如(J.Arie)、阮兆祥、布志纶、JUDAS LAW、陈泽言(CY)及声梦学员锺柔美(Yumi)、冼靖峰(Archie)等出任嘉宾。EO2更为Harry合体唱经典歌《守护星》、F4的《流星雨》，还大展舞艺唱跳90年代郭富城经典歌，让观众重拾集体回忆。
」
最紧要自娱
原来《守护星》对Harry及EO2嚟讲有特别故事，Harry解说：「当时佢哋啱啱出道，正值系台湾F4《流星雨》时期，我谂住写首《守护星》嚟队冧F4！」Eric笑说：「点知变咗A4！」Otto补充话：「即系A货！因为我哋得粒《守护星》，佢哋嘅《流星雨》嚟弹走我哋」提到现时MIRROR及ERROR当红，EO2会否担心冇人记得佢哋？Otto话最紧要自娱：「我哋多年冇聚埋，上次喺天堂鸟演唱会度做嘉宾热身，我哋好似游历返以前最开心时期，感觉到自己开心又感染到人哋开心就够。
最新回应