【独家】觉得陈滢似男人大家好兄弟 张子丰被插死获赞死得逼真
2021-09-10 00:18 
TVB剧《智能爱人》去到结局篇，由张子丰饰演嘅第5个新型AI亦随即登场。虽然子丰占戏唔多，但胜在够抢戏，甫出场晒肌配合做救生员，然后喺八号风球下落水救人，最后中咗病毒变坏咗死得好惨。平日斯斯文文嘅子丰变身奸人表示好玩：「武指赞我畀铁通插嘅反应好到位，死得逼真！」 采访：方骞平 摄影：叶君海 发型：Alva Lam @HAiR 化妆：Sirming WU @非常作
处男奸角令张子丰相当难忘：「由于出场时要赤祼上身落水救人，为咗出场型啲，用咗两个月时间操肌、晒灯同埋控制饮食，拍前仲争取时间做gym及掌上压谷到尽，都及时操到6块腹肌㗎！最难忘当时喺垃圾滩取景，我唔小心饮咗两啖海水，见到周围满布饭盒同垃圾，谂返起都想呕。」
首演奸角好过瘾
对于首做奸人，子丰觉得好有惊喜：「以往做啲斯文正直角色太似做自己，演奸角有更多创作空间，会醒神同好玩啲，死得又轰烈，连武指都赞我反应好逼真，因为今次造型要铲青，《把关者门》监制就搵我做埋黑社会，不过最后都系被乱枪扫死。」另外，谈到跟陈滢绯闻，他强调大家系识咗好耐嘅好兄弟：「佢成个男人咁，可能佢当我系女人似姊妹啩！」两人都长住过温哥华所以好投契：「佢咁靓梗系多人追啦！不过我冇同佢倾到感情事。」
關鍵字
最新回应