拍剧跟男角传绯闻叹不公平 陈滢直认跟方力申冇火花冇可能

陈滢自2014年入行至今跟不少圈中男艺人传过绯闻，近年与方力申（小方）的关系暧昧，就如她之前回加拿大探亲，隔离期间获小方送礼物外，他更在情人节于社交平台向女方留言：「Happy Valentine's Day」，令两人绯闻甚嚣尘上。

近日陈滢接受商台梁泰来访问，原来她跟小方相识全因张继聪：「我哋过时过节都会去阿聪屋企食饭，我同小方第一次见面就喺阿聪屋企，之后几年有一齐参与慈善活动，所以变咗好熟嘅朋友。」小方曾回应绯闻时讲过：「never say never.」陈滢笑说：「佢对任何一个人都好nice，系一个好outgoing好social嘅男仔嚟，所以好易令人有错觉。」与小方会否有发展的空间，她摇摇头说：「我之前嘅男朋友都系啱啱识咗就已经知道大家有冇spark，我同小方都识咗差唔多5年啦，已经过咗嗰个嘅阶段啦。」

陈滢的绯闻男友如陈家乐、张振朗等，至最近的周嘉洛全部都曾合作拍剧，她谓：「呢样嘢我真系觉得唔fair，只要剧中有两个单身就会传绯闻，呢个唔系陈滢嘅问题，所以唔系我易惹绯闻，又唔见我同马德钟、萧正楠传绯闻？」 她直认有结婚的打算，但却未准备做妈咪，目前都是先以事业为先。