【独家】Anson想为偶像做「黎明热狗」 大厨Ricky轻松出战唔怕输
2021-09-09 22:16 
由两位大厨张锦祥(Ricky)及黄亚保领军嘅真人骚《煮战》愈嚟愈紧凑，连埋周一晚最后出线嘅Ken，出战Round 2嘅仲有Ka Sing、菲菲、Alan、Anson、咏仪，6强即时向保哥及Ricky挑机，当中包括Ricky对菲菲；保哥及好胜咏仪嘅师徒大战，Ricky轻松讲明唔怕输，因为佢系独孤求败！采访：方骞平 摄影：沈健程
由张志明监制嘅《煮战》赢得收视同口碑，「限厨令」后头炮系威系势。周二晚Ricky同菲菲以「香港情怀餐」率先进行晋级赛，纵使菲菲最后出动埋老公帮手都不敌师傅，输得心服口服！反观Ricky就轻松自在应战，他笑说：「我有不死身唔怕输，够胆就过嚟，都系同佢哋交流吓啫！」
队员好有创意
Ricky几欣赏Anson喺第1 Round赛事中做嘅「一鸡三味」，可以用尽鸡嘅每一部份做食材，一啲都唔浪费，Anson被赞好开心，如果要设计一道创意菜送畀人，他好想试吓做「黎明热狗」：「黎明系我偶像，我留意到佢好锺意食热狗，我会用烟肉包住两条肠再加入特别汁酱。」至于咏仪做学生餐盒对决保哥，她带笑投诉保哥：「我睇《煮场争霸》见保哥争一分输咗畀Ricky，所以今次我参加《煮战》系想同保哥争返一口气，点知佢唔珍惜我，唔拣我入佢嗰队，不过最后同佢对决都好有火花。」另外，Ken唔敢好似强哥咁窒主持人江美仪：「我哋冇乜时间理主持人问题，总之答到就答，其实佢好帮我哋。」
最新回应