【独家】主持《煮战》系咁食搞到爆钮 江美仪跟前夫关系好无所不谈

识饮识食识煮嘅江美仪被监制张志明委以重任做TVB节目《煮战》主持，由「煮场队长」黄亚保及张锦祥，带领12位厨坛新秀接受考验。江美仪好enjoy单身生活：「佢哋知我增肥，所以准备咗好多好嘢我食，食到爆钮，有工开又有得食真开心，我日日期待返工呀！」采访：方骞平 摄影：叶君海 服装: Marella 发型: Headquarters by Ivan Lee

《煮战》共15集，逢一、二、三晚十点半播出，参赛厨师用大会指定食材或任务进行厨艺对垒，留到最后的6位厨坛新秀将会进行师徒大战，挑战张锦祥(Ricky)及保哥地位，争取《煮战》冠军。江美仪被问到为何被委派做烹饪节目主持？她笑说：「咁我都锺意食嘢又食过好多嘢，喺饮食方面唔系一张白纸。可能监制要我啲mean嘢，同队长斗吓嘴缓和吓啲紧张气氛啦！有时啲厨师唔能够一心几用答唔到我问题，我惟有执生转问队长。」

开工日日有口福
美仪强调好期待返工：「呢个节目好有口福，亦令我大开眼界，见参赛厨师既专业又认真，而且个个年轻有为，相当斯文，颠覆咗中式厨师系大肥佬嘅印象，可惜个个已婚，𠵱家我多咗12位兄弟姊妹。」另外，之前喺节目《Mean Talk》中豹哥重提离婚事件，江美仪首度落泪剖白感受，𠵱家美仪笑返晒仲话好ok：「上次系因为朋友咁锡我好感动啫，其实我变得享受单身生活，完全冇后悔当日决定，𠵱家我哋(同前夫吴君祥)会互相问候，喺电话中无所不谈。」