黎明po手绘画分享合作感受 与张敬轩合唱MV点击破100万

黎明（Leon）早前宣布与张敬轩合作， 原来他们二人将会合唱广东话版《Old Fashioned》和国语版《乾杯》，歌曲在4号已经上架，在短短的4日间，《Old Fashioned》超过133万点击，而《乾杯》更超过240万点击，这个「七月撞正……」的惊喜果然没有令人失望。Leon今日在Facebook出Po，撰文分享同「罗宾」张敬轩合唱的感想，但最令人吸引的，莫过于po文中的手绘画，有不少网民好奇究竟是出自谁人的手笔，结果黎明直认：「幅图系我亲手画。」

Leon以「唔会空肚食早餐 VS 食完早餐都空肚」来形容今次的组合：「我同轩的相识系2016年我做咗『明福侠』而佢又唱咗首歌《罗宾》，当年有篇文章系咁写：『你未必是位超级英雄，但你身边都总有一位罗宾。一个不问回报，甘愿站在副手、配角、幕后或者死党位置，为你水里来火里去的夥伴，当你一仗功成时，亦不忘帮过你的人。』今次和他的合作也似，是缘是情是童真还是意外？ 我同Hins 都是南北混血儿，因我们的父母是分别来自南方与北方，Hins 是一个有领导能力的人，亦从来唔会介意自己空唔空肚，继续努力！」

他亦多谢一班幕后人的创意：「有一样可能大家都唔知包括我自己，原来我从来未饮过Old fashioned….咁我就搵机会去试吓，发现原来每一个调酒师调出来的味道分别可以好大，因为除咗基本原材料，美国甜火腿油，日本甜火腿油…等等…当然橙皮系不能缺少，橙都分好多品种，有啲橙原来放喺雪柜好多日都未开波，啲橙皮嘅味道怪怪哋，有啲调酒师只手可能搽过Hand cream，会令杯Old Fashioned 有咗薰衣草嘅味！原来味道嘅变化系可以多到数唔到，其中试过一杯叫日本版的系用树叶，唔系用橙皮，世界咁大，除咗甜酸苦辣，一定仲有好多味道存在，因为味道会带来不同感受，也会带来喜与……大家小心保护自己对抗COVID 19 ，因为COVID 19 有机会令人失去味觉。 如果你有心机睇完，就唔好介意揿埋落去！」有不少网民看完MV后，留言说：「文字、音乐都要慢慢细阅，真系『明就明，唔明就黎明』！睇多几次就明啦！」