【独家】9.18开拖 林作预两分钟狂轰提早收工 锺培生两Round搞掂 : 一定打伤佢

全城触目的《培生擂台：无敌杯We Are Champs 2021》下周六（18日）举行，拥3年拳击经验的百亿富三代锺培生（Derek），将迎战仅学拳半年的林作，不过Derek绝无轻敌，仲声称操得比以前勤力，脂肪激减兼爆晒肌的他表示：「照镜都有自信！」因要对得住买飞的观众，Derek称会100%落力打，深信两Round就KO林作，更扬言：「一定会打伤佢！」对于Derek的言论，林作笑言未惊过，还大Derek「一Round两分钟内」KO对方，更抛下一句：「佢自己小心啦！」撰文：黎宝伦　摄影：叶君海　场地：Harlan's (The ONE)

虽赞林作半年来用心备战有好大进步，但锺培生亦自信表示对方唔系佢Level：「相信到时都KO佢，但我完全唔会放水。（惊打伤佢？）一定会打伤佢，最惊佢太快顶唔顺啫。如果实力超级悬殊咪同佢玩多阵罗，但佢畀个very good fight我，我就由头爆到落尾。（觉得佢捱到几耐？）保守估计early third round，预计系late second round。」未上擂台，二人已不停打牙骹战，讨厌林作的Derek直指对方是「小人」，除不尊重人又成日迟大到，近日仲好多小动作意图影响他，「9月18号我会一次过畀番晒佢，十倍奉还！」对此，林作回覆本报自称身形大只好多，预告一开波上前猛攻，估计两分钟完事，「我谂住一Round两分钟内KO佢，而家准备就绪㗎喇，唔太放佢在眼内罗，谂住两分钟几个重拳轰落去，早啲收工，佢自己小心啦到时，我都会尽力！」

香港有好多网络垃圾
言行大胆的Derek由拳击水平、家境到性事均遭网民狙击，他不讳言由细到大都多Haters，但冇放喺心，「香港有班网络垃圾从来唔肯𠄘认其他人嘅成功或过得好好，当然媒体又有扭曲呢件事，令人误解，最紧要系我有一班好Supportive嘅支持者，点解要花时间去谂人点谂啫？有时间不如听吓支持者嘅意见啦！」自称冇自信的Derek凡事追求完美，做事未达标便会感到自责，问到有何不足？他坦认太好胜、不懂与人相处及迁就人，回想16岁入读南加州大学，18岁炒期货赚了200万美金(约1,500万港币)，「嗰时目中无人到爆，唔尊重父母、同学，好乞人憎，但有好多酒肉朋友。」

避开只识沟女是非人
直至踏入社会后，Derek才发现自己是井底之蛙，「呢几年做嘢食过唔少屎，最大苦头系14年同ideal未婚妻分手，令我学识尊重、包容、感恩，系我毕生一课。（佢讲乜点醒你？）佢好低调，唔讲喇。」现时拣朋友，他表示会跟一些「一齐进步、工作上帮到手」的人交心，只识「饮酒食饭沟女讲是非」的人则尽量避开，那么可介意女伴为钱埋身？Derek有另一番见解：「钱系其中一个优点嚟，佢靓又系咪净系得呢个条件呢？我觉得自己除咗经济上Affordable，仲有好多其他优点，例如我好勤力、意志力好强同有承担。」并坦认恨结婚生仔，遇到适合对象便做老衬。