【独家】薛影仪向利爱安挑机：嗰个女人冇咁多网民支持

亚姐早前举行首轮面试，当中薛影仪因勇气和独特个人「魅力」成功突围！虽然最后未能入围，但仍获亚视赏识签约两年，签约后日日有工开，人气爆灯，举手投足都成为热话，近日有网民更发起「我老公J咗薛影仪导致婚姻破裂关注群组」，就连原本睇好TVB「东涌罗浩楷」利爱安的林作亦转投阿仪怀抱！

访问当日，问到阿仪有否留意在港姐面试者中，因一脸佛相而被网民笑称与「佛祖佳丽」的利爱安？阿仪起初一副懒理表情：「我冇留意喎！」但当林作向她介绍「佛祖」利爱安后，阿仪终于引爆火药，鸡啄唔断话：「佢肥肥哋㗎？东涌嗰个女人，系罗，佢入唔到围，嗰个女人冇咁多网民支持，东涌嗰个女人唔靓嘅，肥肥哋嗰个，我谂佢仲肥过我！」林作表示各花入各眼，认为阿仪的率直，比利爱安更吸引！当谈论利爱安话题完结，阿仪似乎并未罢休，继续向利爱安挑机 ：「其实东涌个女人唔靓！」

记者表示利爱安唱歌好听，阿仪则说：「我冇留意喎！啲人话东涌嗰个女人好丑怪，我好过佢又瘦过佢！东涌嗰个女人唔知佢学历去到边到呢？佢有冇读到大学？话佢好嗰啲网民冇眼光！」在旁的林作眼见阿仪对利爱安甚多负面意见，即场提议亲自安排举办一场拳赛 ，让两人打一场，阿仪立即答应，自信表示：「我会赢！」 作为从未拍拖的「黄花闺女」，阿仪的择偶条件十分目标清晰，表示另一半内在和外在都需要兼备，更拒绝姊弟恋。