【有片】锺培生避战散打冠军李俊亨 林作嘲「龟缩」：欺善怕恶

「林锺一战」将于9月举行，但最近却有一场番外篇，锺培生竟然逃避与现职帝锋金融集团董事总经理的李俊亨（Henry）对战！

林作今日在社交网上载一条1分40秒的短片，见Henry怒气冲冲向锺培生现场挑机，他说：「你之前咪挑我机，好耐先见到你，不如依家打咗先啦！」锺培生反问：「你畀几钱同我打呀？！」Henry解释：「你拍片好唔尊重我哋教练团队，好唔尊重Nana（香港泰拳拳后曾海兰），唔尊重我哋。」

此时，锺培生想离开，指自己从来没有不尊重，表示不想理会对方。Henry即用锺培生的口头禅说：「唔好讲咁多嘢，你话knock out我吖嘛，依家No bullshit let's go。」现场见Henry步步进逼，问对方是否惊，锺培生爆粗说：「You suxk！」还反击：「我点解要同你打，你系No one，我够话可以k.o晒呢度啲人，冇嘢架！」最后有人前来劝交，当锺培生趁机离开后，Henry则说：「你话唔打唔紧要，我系教育紧佢，作为一个运动员，唔可以咁样，唔锺意边个就拍片，就上擂台同人打交，依家可试吓先，Nana你就唔够打架嘞，可以同我打吓先。大家都系打拳，唔好咁，大家都有努力嘅。」

事件起因，是今年5月1日林作进行处男擂台战，锺培生到场，并在IG Story开live即向林作教练、兼为香港散打冠军李俊亨（Henry）挑机。眼见二人终于碰面，一直在旁边「食花生」的林作，嘲锺生「龟缩」，并指称：「锺生都是欺善怕恶，欺负弱者怕强的。门外汉书生如林作，打！专业级教练兼身家有番佢咁上下嘅Henry, 缩！」