【独家】出道半世纪鼓励年青人追梦 陈美龄视失败为学习机会
2021-08-17 00:07 
陈美龄（Agnes）为庆祝出道50周年纪念，将于9月14及15日假香港文化中心举行两场《美丽人生半世纪演唱会》，65岁嘅Agnes系「史丹福妈妈」，3子都毕业于该名校，家庭、事业两得意的Agnes自爆曾经历过短暂难关，好彩性格乐观，每次都能从失败中学习。采访：方骞平 摄影：梁志明
陈美龄两年前喺伊馆开过讲唱会，形式同今次不同，今次演唱会会选唱一啲香港观众熟识嘅歌，好似《再见19岁》、《忘忧草》及《珍珠泪》等。Agnes同《声梦传奇》学员锺柔美都系14岁出道，当年热爱唱歌，不时做义工献唱，最后被音乐人发掘做歌手，继而进军埋影坛。17岁再转战日本。她笑说：「我的志愿冇谂过做歌星出唱片，突然红咗咁耐真系好神奇，完全唔知发生乜事，谂返起都好佩服自己咁有勇气，细细个离乡别井去日本发展，又唔识日文。既然《声梦》学员有咁好嘅舞台，趁年轻追求梦想非常好。」
歌手的使命
谈到Agnes嘅半世纪美丽人生，她就话唔系一世都顺风顺水，只系人睇你好，你睇人好，不过都好感恩。「我病又病过(2007年患乳癌)，早段时间喺加拿大读完儿童心理学，同唱片公司意见有分歧，加上嗰段时间爸爸去世，家人想我快啲结婚，一度好迷惘，直至返咗妈妈桂州乡下，当地小朋友竟然识唱我嘅《归来的燕子》我好感动，明白到上天安排我做歌手系有使命，心结亦解开咗。」
最新回应