成身黑出席威尼斯影展 C朗嫂谷「枕头胸」好抢镜

今年7月，C朗（Cristiano Ronaldo）一家六口去咗西班牙小岛Majorca度假，成家人加C朗前队友坐超豪华游艇由西班牙玩到去法国康城，当时晒咗一身健康肤色嘅C朗嫂，仲着到鬼火咁靓去埋康城影展Show吓个靓Body同啲又大又闪嘅珠宝。

C朗嫂呢几日亦去咗威尼斯影展，咪问关佢咩事呀，C朗嫂有帮NETFILX拍真人骚纪录片，加埋男友系C朗，有资格出席有馀啦。见佢着到成身黑，谷胸Tube Top加长裤，心口嗰个「枕头胸」好鬼抢眼，加埋又大又闪嘅钻石鍊同钻石戒指仲有名表，堪称人生真美好界嘅KOL。