Juicy叮｜女求职者质疑店家要留全名 网民不解：你畀个艺名佢吗

市民对个人资料私隐的保护意识提高，不过有网民在讨论区「亲子王国」发文，说去见一份普通店务员工作，并不是大集团、大公司，「倾到最后，店主要求我留全名畀佢，你哋会留吗？」，引发网民议论。

不少人留言都觉得不解，「有咩问题，见工要畀名好正常」、「见工唔系有份FORM要填咩？依家只系留全名，无问题呀」、「人哋都要留记录，唔通只Mark低咩小姐？」、「见工实要填form或已交resumes，唔系已经有晒你全名咩就算之前无，要求全名亦好正常喎……唔觉有问题。」

有网民更戏言，「正常。你畀个艺名佢吗？」。有人笑指，「楼主你唔想填全名，你咪写你姓：无叫：名氏。早啲俾间公司知道你的思维，咁样思维请到你都喊三声，第日都唔知点同你沟通同做嘢」

之后发文者就解释，「我系净系打电话去问个雇主系咪请人，其实仲未去铺头见的，系倾到最后要我全名，因为之前我打去问其他公司，都只系留贵姓同电话」。

有网民就分享自身经历，「果时我做一间公司，有个中年女人嚟见工（都算小小专业行业），叫佢填表唔肯填 ，佢话我已写咗cv, 如请咗我我先会填畀你，跟住老细叫我哋同佢讲，咁请佢走好了，唔见佢了，佢真系走咗。其实，畀我系老细都唔会见佢，未请你都咁难合作，请咗你咪虫，真系咩骑呢人都有」

帖文转载自讨论区「亲子王国」