开餐厅牌照一年未获批被迫停业　张惠雅爆Seed斥代办公司不负责任

2021-08-05 20:00

前女子组合HotCha成员张惠雅（Regen）去年在长洲开餐厅搞小生意，不过因为牌照问题，已停业两个月。她昨晚（4日）在其社交网连环出po爆Seed，直斥因代办出牌的公司成年时间仍未搞掂，就连临时牌照亦过期，令她相当烦恼。
Regen嬲爆留言：「做一个泼妇都要出post……我个牌照过咗期，事隔申请一年啦，你肯出牌畀我未呀？我两个月差唔多冇开铺啦，你哋系咪咁唔专业呀？」

Regen指该公司已转了四、五个人与她接触，却一直未有为她处理牌照问题：「我嬲到黐咗线，我本身都够黐线，头先收工一睇到个message捉我铺头卖饭，我两个月冇开铺喇，临时牌照都过喇……点做生意啊？白交租都死啦系咪啊？连出牌比钱一间公司搞都可以遇到咁冇责任心……你哋自己跟唔足啲嘢又濑个客！」不少网民叫她开名，也有人建议她委托律师帮手，与该公司接触。