自爆当年学郑伊健惨遭雪藏 黎诺懿下个目标做剧集导演

黎诺懿受访电台节目《旧日的足迹》，入行18年，黎诺懿初期满怀大志，坦言：「我一心要做刘德华、周星驰同古天乐，谁知我被编入儿童组，心冷咗一截，后来有机会拍剧亦唔识珍惜。」诺懿谓当年拍摄剧集《随时候命》时认识了大哥哥郑伊健，「学晒佢啲嘢」，曾走上监制房和监制理论 ，「可能佢嘅年代得，唔代表我嗰阵行得通，结果，我后来知道真系自己唔得又唔识，我被冰封雪藏咗……，喺我低潮时期，佢（伊健）好照顾我，我要登台佢任我去佢屋企拣衫。我哋性格、兴趣、对家人嘅态度都好相似，物以类聚。我最欣赏佢有赤子之心，对人好真，无论对方高高低低佢都用行动撑到底，佢由一个大哥哥变成我嘅同辈兄弟，乜嘢事我都同佢倾诉。」所以现在他更懂欣赏新晋演员，最近他就看好戴祖仪和黄庭锋。

因不想被定型，黎诺懿去年11月开始不再做疫境厨神，他最近作了新尝试为马来西亚特备旅游节目担任监制。「已经拍好咗到咗剪片嘅时候，9月将会喺马来西亚上映，我希望下次做导演，系剧集嘅导演，因为我做过演员，呢个系我优势，希望喺我有限嘅演技里边，导演到啲新晋演员，好似曾国祥，佢系好导演。希望演戏之外不久将来我可以做到导演，我出咗声喇！但未有人有反应，我要畀多啲信心佢哋先，我成日见到有周星驰作品、周星驰出品，好强，我都希望有黎诺懿作品。」
至于想不想攞视帝？诺懿说：「想嘅，但依家唔系特别恨，以前都想似王浩信攞几届，依家希望作品中有代表作，奖项只系当晚开心，如果攞咗视帝唔使做，年年有粮出，我谂我会好畀心机去攞。我攞奖最大嘅目的就系可以亲自喺台上多谢帮助过我嘅人，想话你哋冇帮错人，多过我自己开心。」