落区送暖勾童年回忆 黎诺懿被催快啲生多个

黎诺懿日前为代言奶粉跟福幼基金会义工落区送暖，向土瓜湾劏房基层家庭派发礼物篮，除了跟基层市民有讲有笑外，还为其中一个家庭的小朋友大唱生日歌预祝生辰。
诺懿近年新春前后都积极行善，希望将关心给予有需要的人，也希望囝囝「小春鸡」能承传他的善心，惟疫情下未能带同囝囝出来，但他让小春鸡一起执礼物篮，学习分享。他说：「佢大个之后，会同佢身教，带佢去柬埔寨或者穷困地方做义工，想佢学懂珍惜。」
今次落区探访，诺懿见到每个家庭都好开心，「虽然居住环境较细，但佢哋嘅笑容系好开心，其中一个小朋友屋企仲布置好晒，准备庆祝生日。」诺懿不讳言此行勾起不少童年回忆：「自己细个虽然穷，但好开心，物质上系冇乜，不过我哋会有自己娱乐，例如用胶纸包住书包当踢波。」
探访期间，诺懿不时被催促「快啲生多个」，他笑言一直都有造人计划：「继续进行中，身边人不断催我，但个天可能唔想我喺疫情下生小朋友呢，个个都好着急，Bob（林盛斌）以为我唔得，成日话畀啲药我食，其实太太都着急，始终佢都想有仔趁嫩生，希望快啲有好消息同大家讲。」