【独家】因为去年确诊突然多人识施匡翘唔怕人气跌健康最重要

2021-07-14 00:25

出道年多的施匡翘(Zaina)最近派出第四首新歌《康复期》，灵感来自去年因确诊新冠肺炎而被隔离及康复嘅经历，新歌系讲被男方冷落，最后女主角懂得放手之后更加爱锡自己。经过去年不幸中招，施匡翘谂得好通透：「好多嘢，要企返起身系要靠自己去面对嘅。」采访：方骞平摄影：梁志明化妆发型：WingKee Makeup 形象：Janae陈灏而场地：Boss One

施匡翘大赞林若宁填词填得好到位，令她唱得特别投入，只系花咗3日就顺利录完：「呢首歌连唱法都唔同咗，把声变得比较硬朗，唔似得平时讲嘢咁柔弱，连舒老板 (舒文)都赞我进步咗好多呀！原来自己有另外一面，喺录音过程入面我愈嚟愈了解自己嘅身体！」

羡慕偶像发哥生活
提及去年染病后嘅康复期，施匡翘发现自己抗压能力好强，好坚强同埋好正面：「我有留意网上评论同埋报道，我唔会逃避，有建议性嘅会接纳。其实做好自己就OK，咁就可以开心咁过住每一日。」问到可会担心康复后，知名度回落？Zaina大笑说唔怕：「系睇返自己心态，在我嚟讲患病后最重要有返健康，而唔系要知名度，我锺意唱歌，有得做自己锺意嘅工作经已好开心，而且考到瑜伽导师牌后，我会收学生，又会练返琴，生活过得好充实。」Zaina最想效法偶像周润发过开心简单生活：「发哥平时爱行吓山、搭吓港铁、食返碗面，佢有佢嘅生活态度，就算贵为神级影帝都好Nice咁同人selfie，为人好亲切。」