【狂揿F5扑飞】音乐会优先门票火速售罄 赵学而：听日先正式公开发售

入行27年的赵学而日前宣布下月22-23日在九展Music Zone举行《学而我们的音乐会2021》，门票今日在网上优先发售，有不少fans讲到明准备狂揿F5去抢飞，结果门票在短短数小时内售罄。

学而其后转发留言并说：「今日只系优先订飞啫，听日先正式公开发售嘅，大家加油啦！多谢～」其实在开卖前夕，已经有不少人已经打定输数，觉得自己一定扑飞无望，当时学而表示阿婆一把年纪都未放弃：「正面啲，做人要有希望，决心同坚持，好多时喺人生中会带嚟惊喜嘅，Good luck，各位！」

最后有fans不负学而所望，成功抢到飞！学而亦有留言：「各位老细，恭喜晒！多谢晒！辛苦晒！各位弟弟妹妹哥哥姐姐叔叔阿姨，到时见！」有fans笑问说：「你又系嘅......起码都去隔离Star Hall啦，book得个Music Zone玩嘢咩......利申：今朝买到。」学而搞笑地回覆：「乜啫你⋯唔系下下都要玩咁大㗎嘛！」