赵学而自称婆婆唔怕老 小仪狼虎之年无惧同森美囡囡争Edan
2021-05-20 18:25 
ViuTV节目《中女唔易做》周一（24日）首播，小仪、赵学而、杨思琦、康子妮、杜如风及朱薰今日现身宣传。小仪及学而都指不担心与《中佬唔易做》有比较，一来男女不同，二来她们会与素人一起打工。二人又自称是圈中最贴地的中女，学而笑说：「我食人间烟火㗎！」小仪即加把口：「我都有睇花火㗎！」学而又道：「我最醒！早几年已经叫大家称呼我做婆婆，提早调整心情。」
小仪则说成为中女后，心态与年轻时不同：「如果我廿几岁见到Edan（MIRROR成员吕爵安）唔会够胆扑埋去！而家Anytime都狼虎之年㗎，哈哈！」对于森美女儿Charisse与她争「女婿安」，小仪踢爆：「演唱会灯牌都系我准备畀森美，有更多人钟意Edan系开心事！」笑指「情敌」仅得14岁？小仪笑言未惊过：「咁又点呀？细路女无知呀！我有经验可以教Edan喎！（有冇问Edan拣边个？）唔敢问呀！惊佢两个都唔拣。」
学而亦有欣赏MIRROR演唱会，她大赞12子各有特色：「MIRROR嘅表演连前辈都未必做到，唔好一味批评，要学识欣赏。」杜如风则透露5年没穿高跟鞋，感觉不习惯所以走路左摇右摆。她在记者会期间更索性坐下，笑言回家要弃掉所有高跟鞋，省回一大笔钱。
關鍵字
最新回应