Jer出新歌再挑战新Style AL开心有跳唱骚带四Dancer晒冷

MIRROR成员Anson Lo（卢瀚霆、AL）及Jer（柳应廷）周四（24日）举行线上音乐会《JOOX Live 2021 Anson Lo x Jer 全民Tea Master》。两人献唱多首人气Solo作，包括《EGO》和《风灵物语》，更翻唱队友姜涛的《孤独病》及《一号种籽》，令镜粉们好惊喜。


ViuTV《大叔的爱》今晚首播，AL与另一队友Edan（吕爵安）合唱主题曲《突如其来的心跳感觉》，他会另外演唱片尾曲。今年3月才刚推出《狂人日记》的Jer指新歌已完成录制：「会系未试过嘅曲风，MV完成拍摄后就会喺7月中至尾推出！」

两人被问到短期内想有甚么新尝试？双方异口同声表示最想推出跳唱歌，较擅长唱歌的Jer笑言：「谂吓咋，哈哈！」AL上一首跳唱歌已经是今年初的《EGO》，「《EGO》呢几个月唱咗好多次，而家都有个跳唱Idea，不过真正下一首歌会系Cute cute风格。」

Jer透露今次音乐会AL的跳舞环节好正：「因为冇冷气，AL跳到身水身汗，仲有伴舞，大家一定不容错过。 」他吓得AL回应时带晒头盔：「讲到我好劲咁，唔好俾佢吓亲，冇咁夸张。花姐（MIRROR经理人黄慧君）有问过我要唔要带Dancer，我话要带，因为难得有个骚畀我可以做跳唱，一定要做到最完整，所以就带咗四个Dancer嚟。」AL又反提议大家留意Jer的演出：「Jer好少唱《风灵物语》，好有幸听到佢唱Live。」

ViuTV《调教你MIRROR》最近热播，花姐大赞AL经梁祖尧调教后，开始敢于表达己见。问AL以往会否因不同标签而感到自责或不开心？他说：「哗！呢个问题好深奥，不过表达意见方面而家应该冇咁慢热。」此外，今次音乐会将在7月10日于JOOX上架供VIP用户重温。