新歌MV为陈汉娜献出第一次 Anson Lo突破尺度谷肌出浴

人气男团MIRROR成员卢瀚霆（Anson Lo）昨日（7/7）26岁生日，除获粉丝大肆庆祝外，还推出年度第二首个人歌曲《不可爱教主》，暖男Anson Lo笑言新歌是「特备礼物」：「呢首歌唔系送畀自己，系送畀神徒嘅生日礼物。上次出歌已经系一月尾嘅事，所以好想喺生日正日，同fans有一个遥距嘅共同回忆。」
作为剧集《大叔的爱》片尾曲，Anson Lo表示这歌从剧集角度出发，记载「阿牧」的心路历程。至于这歌MV对他来说属全新体验：「出道以嚟我嘅三首solo作品都系跳唱形式，MV一定同跳舞有关，但系今次采取全剧情式拍摄，我谂fans同观众都会几惊喜，见到一个唔同嘅Anson Lo。」
为配合歌曲设定，团队特地情商陈汉娜（Hanna）担任MV女主角，不过Anson Lo竟直呼紧张，更自爆为MV献出「第一次」：「人生第一次拍MV系有女主角，最难忘系同Hanna头贴头嘅场面，因为喺我嘅演艺生涯中，第一次同女主角有咁贴身嘅接触，当下真系好紧张！排戏时都有啲尴尬，但系拍摄当日，我感觉到Hanna嘅专业，每一个机位佢都做到100%；佢亦为咗MV专程学舞，真系好辛苦佢。」

除了与Hanna唯美共舞，Anson Lo还在MV中突破尺度，大晒结实胸肌，实行向神徒派糖！对此他亦直认：「今次有啲镜头比较大胆，例如露背肌、甚至冲凉，对我嚟讲算系几大尺度！最近无乜时间操练，演唱会后只系做过两次gym，真系好惊冇嘢畀人睇，所以拍摄展示身材嘅场面之前，我就不停做掌上压，埋位前都要做多几下。」
对于《大叔的爱》引发全城热话，Anson Lo坦言感激观众支持，亦视剧集为演艺事业中的一个标志：「我觉得《大叔的爱》系一个里程碑，睇到自《男排女将》之后，自己有乜嘢唔同嘅改变。见到大家锺意《大叔》、凌少牧，真系畀咗我好大信心。」与喜剧有缘的Anson Lo亦透露，首部主演电影《假冒女团》有望在今年上映，期待为观众展现不同面向。