【独家】听日开Show轻松吓 ToNick玩估歌仔爆玩鬼屋定惊妙法

乐队ToNick将于明天及后天（3日及4日）举行个唱《Here and Now》，练歌都要唞吓气，4位成员包括主音恒仔、结他手小龟、低音结他手Ryan同鼓手晨曦就同《头条娱乐》玩咗个「怀旧估歌仔」游戏，玩法就系播出经典广东歌，音乐会突然暂停，要佢哋紧接唱出下一句，测试吓佢哋对8、90年代嘅香港乐坛认识有几多。9首歌有齐男女歌手同组合，作品好贴地嘅ToNick表现唔太稳定，一时又秒速答啱，一时又估唔中索性自己改词，又自爆去日本鬼屋要唱歌定惊，究竟咩歌有定惊功能？组合歌嚟㗎。