【调教你MIRROR】后悔冇珍惜Cookies时光 MIRROR跳《心急人上》𠱁Stephy

昨晚ViuTV《调教你MIRROR》播出第17集，邓丽欣（Stephy）继续分享当年组女团Cookies的点滴。Cookies当年分别被发掘，令Stephy理解MIRROR成员不熟悉但又要组团的难处：「就算系新认识嘅男女朋友都冇办法好快就完全了解对方，更何况系咁多个队友？真系要花好多心力，有问题系正常。」梁祖尧（祖祖）更大爆Stephy拍《男排女将》时见到Ian（陈卓贤）躲在一旁，但其他人又好Hyper，令她一度以为他与其他成员不和。

之后Stephy指她一度讨厌唱《心急人上》：「一讲Cookies就系《心急人上》，曾经觉得好烦，而且我下年就入行廿年，但到而家访问都仲系俾人问当年9个女仔组团系点，已经答咗廿年喇！但愈嚟愈锺意，因为有种回忆，好后悔当时冇好好珍惜，唔识Enjoy青春，唔识享受大家共处嘅时光。」Stephy又表示Cookies成军仅一年，便突然要变「饼碎」，改制为4人团体：「一定系公司决定，但唔知道实则系边4个留低，当时好难受。」MIRROR亦专诚唱跳《心急人上》送给Stephy，令她笑不拢嘴！

谈到团体「单飞比较红」的尴尬情况，Stephy不讳言当时的情况与姜涛相似。她问姜涛如何面对没有个人工作的成员？他回答：「一开始入MIRROR，花姐（经理人黄慧君）已同我讲『希望比较红嘅成员，尤其系我去做啲嘢令大家一齐更好』，喺个客面前我都会推荐其他成员。」Stephy闻言表示她当时只得19岁，一方面因为自己有Job而开心，另一方面不懂得处理队内人际关系，觉得好尴尬。姜涛自言：「我问心无愧，喺能力范围内我都想大家好。」获Stephy鼓励他做得到，又指他很真诚！

祖祖问到若MIRROR要「缩水」，众成员会如何处理？队长Lokman（杨乐文）表示：「打畀花姐问佢点解，再集合大家能力，迫公司唔可以咁做！」姜涛赞同其做法，Edan（吕爵安）则谓会陪Lokman致电花姐。Anson Lo（卢瀚霆）指：「我哋12个一齐出Post，用Fans反应同埋舆论畀压力公司！」

Jeremy（李骏杰）说道：「试咗Lokman个方法先，如果唔得，被淘汰嘅成员就另组一团。」Tiger（邱傲然）就搞笑指同Stephy饮酒先。最后Lokman得到Stephy选出的「最似自己大奖」，她赞对方有大佬风范：「以前嘅我可能唔会咁大佬，而家嘅我会用自己力量帮身边人！」