第二次合唱仲拍埋剧劲有默契 王浩信菊梓乔召唤客户邀请搵真银

王浩信(Vincent)及菊梓乔(Hana)继三年前的合唱歌《欲言又止》后，再一次为新剧《刑侦日记》合唱插曲《蝴蝶效应》，两人日前就为新歌拍摄MV，今次的拍摄场景非常复古，Vincent亦大赞：「呢个场景劲有feel，可以话系一卡车厢，又可以话系一间旅店，个感觉就好似时光隧道，畀人好大嘅幻想空间，好配合角色嘅内心世界，多重人格抽离现实，好多谢导演嘅心思。」

Vincent及Hana齐说好开心有机会再合作，而且一齐参与剧集拍摄仲有对手戏，所以合唱及拍MV时更容易投入感情。Hana说：「今次第一次正式拍剧，对住好多好专业嘅一级演员，学到好多嘢，好正！Vincent好照顾人，就好似拍MV嘅时候，我哋两个嘅身高实在好有距离，佢会主动提出除咗对鞋去迁就我，好sweet。」两人表示好期待一齐宣传唱live，因为上一首歌夹唔到时间，今次可以一口气唱晒两首合唱歌，最好当然系有客户邀请拍档搵真银。

剧集已先于内地及网上平台播出，成绩不错，两人希望继续承接各平台的好成绩，Hana说：「最好可以有续集，自己都爱上拍剧，今次只系一小步，时间都比较短，感觉系啱啱熟悉环境就已经拍完，期待之后有更多参与机会。」