【独家】铜锣湾行大运乜都睇吓　周国贤行街周围摸狂捽眼

周国贤（Endy）原定去年4月举行处男红馆骚，未料年初传抑郁复发，自前年10月拍毕电影《一秒拳王》便一直没有公开露面，连唱片公司也无法联络他，搞到个唱都要取消！神隐多时，原来Endy与家人飞往外地上灵修课程，至去年底他终于积极参与幕前工作，包括为《一》片宣传、为Serrini及KOLOR担任演唱会嘉宾，并宣布回归乐坛。日前《头条日报》记者发现Endy到铜锣湾「行大运」，他试完Cream又拣榴槤，但最后都冇帮衬。采访：梁志明

周国贤于IG透露正投入录音工作，还表示养伤一年今年要「全面还债」。日前晚上9时许，身穿白恤衫衬黑裤、戴Cap帽的他，独自到时代广场的LOG-ON行街。绕实双手行的Endy见到好多花款的口罩，即驻足攞上手研究，但睇咗两睇便开始笃手机；之后继续行周围望，双眼劲攰的Endy不停用手捽眼，虽然香港疫情持续放缓，但啱啱先摸完其他嘢似乎唔多卫生喎！

斋行零使钱
接着经过美容区，晒到好黑的Endy估唔到都几贪靓，拎起一罐369蚊的真皮修复活肌面霜搽上手，彻底捽匀两只手后都系冇帮衬，随即走到隔离的citysuper睇嘢食。可能Endy好耐冇出街，见佢对好多嘢都好有兴趣，例如泰国干腰榴槤，绕手弯腰睇完一轮，就行去拣散件装，全程逗留15分钟左右，最终Endy乜都冇买便搭的士走人。