【Hi细So】周国贤开IG Live 神隐7个月细So即蒲头畀Like

港产片《一秒拳王》上映一个月票房终破千万，导演赵善恒同男主角周国贤(Endy)都好开心，其实Endy曾因伤患兼情绪问题离港多时，近半年先回港，日前小休复出为唱作歌手Serrini（梁嘉茵）个唱担任嘉宾，唱嘅感动，听嘅亦好激动，希望Endy可以快啲开Show。

要Endy开Show唔容易，想听佢唱歌可以follow佢ig，因为佢久不久会瘾起开Live唱歌，寻晚佢就自弹自唱Beyond嘅《爱得太错》，仲有爱猫吉吉做背景，Fans听得好开心，当中包括去年9月惊爆背妻偷食KOL人妻，已一家四口移民英国重新开始嘅前商台DJ细So(苏耀宗)，相信细So同Endy好老友，亦好欣赏佢歌声，事关3月尾Endy开ig Live，开始冇耐细So已经畀like，睇嚟细So虽然清空晒自己嘅ig又唔po嘢但其实仍然活跃社交网喎。