否认迫「敌人」上台合唱 Serrini爆林家谦骚短讯证帮衬黄牛

上星期在九展连开3场演唱会《I'M (NOT) FINE, THX.》的Serrini，尾场请到本身睇骚的林家谦上台合唱《苏菲亚的波霸珍珠奶茶》，今日Serrini就在社交网分享背后故事。自称与家谦不熟的她笑指对方是自己「敌人」，不过依然大方祝福：「天佑我的敌人，给他永远笑声，并常对他偏爱💎🙏🏻」。

Serrini又爆家谦呃她帮衬黄牛：「Concert嗰日黄昏，主办话我知阿边个（指家谦）嚟，我第一个反应系『佢之前又话唔嚟？！』之后我同自己讲，要乖乖哋，唔可以攻击人哋。点知呢个人开Show之前特登走入去后台，话我知佢买黄牛飞（实情系搲畀佢嘅真飞，但系佢坚持要Show黄牛Message畀我睇，话我跳楼飞），但系又话不如合照（？？？）。可能最近林XX好忙做制作，对我放下咗戒心，或者疲倦就无咩inhibition（顾忌），但系偶像就系要保持谦谦君子façade（假像），佢都唔系咁衰嘅I guess，系奸奸哋vibe嘅啫🙏🏻🕊」。

Serrini续指自己没有迫家谦上台：「我on stage话『我系唔会叫佢上嚟嘅，除非佢自己行上嚟』is true，佢心里说不，我就唔会迫到佢。我系成日觉得佢系腹黑攻（指表里不一地坏），and me as a 女皇攻，so大家就会好多conflicts（冲突）（但系友善）。But可能世界睇唔惯啲roast（批评），如果成日嬲嬲猪咁，做咩啫你妖。Anyways I would like to bless this huge fan of mine with happiness in life and protection from any harm. （无论如何，我都想祝福这位忠实粉丝，希望他一直都快乐，远离一切伤害）」。