【独家】疫情推迟出首张大碟 陈逸璇感恩更充裕时间制作
2021-06-22 23:00 
陈逸璇（Jolie）相隔两年，最近再推出新歌《不再分离》，此曲是Jolie即将推出的首张个人大碟《TASTING》的头炮，该专辑会收录8首耳熟能详的外语改编广东歌，用上她偏爱爵士风重新演绎。整张专辑由概念、选曲以至音乐制作，Jolie亦有参与其中，她感恩在疫情下反而有更充裕时间，与监制叶广权沟通及制作。撰文：杜淑霞 摄影：谭壹致 场地：Wood 16
翻唱叶德娴和苏永康都曾经演绎的《不再分离》，原来是Jolie提议，「《Say You Love Me》系首好经典嘅R&B歌曲，我细个已经好锺意，系Patti Austin嘅歌，知道公司帮我筹备呢只碟，就知道可以做呢首歌，首歌广东话版本系叶德娴80年代唱，之后阿公（苏永康）90年代唱过，𠵱家到我2020年再唱，系时候畀个新鲜感觉呢首歌，我呢首系好抒情、舒服、温柔体贴，好sweet嘅一只歌。」
紧张养声
由于监制叶广权要求Jolie用新声线演绎，因疫情反而令她多了时间准备，「首歌真系难，好高音，我听英文版本，配广东歌词要唱到英文嗰个味道，真系要好好锻鍊，我要搵把声系啱呢个tone去演绎呢首歌，真系搵咗好耐，搵咗成一、两个月，入咗去录音室试过，但系监制话唔锺意，返去再搵过，试咗两、三次先搵到呢把声，之后我要捉紧呢把声日日练，变咗一唱出嚟就系呢把声，因为疫情延后咗（出碟），畀咗我好充裕时间，去每首歌都咁样去研究。」
以往只试过出EP，首次灌录大碟令Jolie特别紧张养声，「我养得好犀利㗎！我哋要一气呵成录两、三个月唔停，会迫自己早瞓，尽量少讲嘢，唔去嘈杂地方，饮好多好多水，呢樽有一公升（举起私家水樽），每日规定自己饮3至4樽，饮完好有成功感，饮水真系好有用，唔单止养声，仲可以去水肿，减肥一流。另外我会系咁煲剧，因为夜晚我尽量唔想讲嘢，畀把声休息，煲剧就唔使出声，之后就瞓到自然醒，令自己有充足嘅睡眠。」
最新回应