【另类婚纱照】洪永城厕所求婚 梁诺妍办完大事Say Yes

洪永城（Tony）与梁诺妍（Inez）有情人终成眷属，今日两人正式公告「我哋要结婚啦！」的大喜讯，这对准新人由求婚到影结婚相，也是充满著无限温馨及成箩笑料，Inez回想在洗手间求婚过程笑到喊，结婚照则配合他们的性格，简约之中不失搞笑本色，从今两人愿馀生一起笑住过！
早前，Tony和Inez秘密地影了一辑极有创意又搞笑的结婚照，由于他们均是热爱运动之人，所以结婚照也甚具动感，衣著以简约便服为主，其中一款是他们以背心T恤、 短裤加波鞋在运动场上飞跃而起，最搞笑是洪永城以白T恤配煲呔；另一款则是在湖边的温馨鬼马相，一身背包行山LOOK，两人双手紧握在一起，寓意他们手拖手，今后一起笑住过！
准新娘子Inez透露Tony的求婚过程，既搞笑又感人，她笑说：「佢嘅求婚过程系好好笑，好多虾碌嘢发生，佢喺屋企个厕所度求婚，我觉得好好笑，不过好系佢嘅style，成个过程我系笑到喊，不过都好感动。有晚佢拍完嘢返屋企，就入咗厕所一阵出嚟，跟住到我人有三急入厕所，佢又跟住我入厕所，当我打开厕所门，原来佢喺厕所度布置咗有一个摄录机，又喺洗手盆度放咗啲微型灯泡，又有一束鲜花，镜上又贴咗啲心型卡，仲写上MARRY ME？我好笑又感动，我问佢点解要喺洗手间求婚？佢话知道我一定会去洗手间，最好笑系佢拎只戒指出嚟求婚时候，我话我真系好急，你等一等我去完厕所先，结果佢要等我办完大事再求婚，我就Say Yes！」当时他们开心到笑不停！

今日他们分别在社交平台上宣布喜讯，并分享结婚感受。

洪永城留言：
由一齐跑步、到倾电话、睇日出、拍拖、不计划的旅行、到扮攰逃避跑步、通宵睇动漫、同居、到我们至爱的Coco离世、到开工连晚安早晨都没有机会同你讲、到今日一齐携手踏上我俩的新旅程

好在有你，紧握我手
我希望一世都有你在身旁

追到你是我的侥幸，娶到你是我的福气

Let’s get Married !

梁诺妍留言：
下半生手拖手
继续一起跑下去
继续跑去世界每个角落👫🏽

感恩遇到你
常常带给我欢乐
照顾我陪我通宵睇动漫睇网球比赛
工作上的互相扶持
愿馀生我们也要一起笑住过！

#我们结婚啦 ！